തിരുവനന്തപുരം: കഴിഞ്ഞ വര്‍ഷം തിരുവനന്തപുരം മെഡിക്കല്‍ കോളജില്‍ ചികിത്സയിലിരിക്കെ പുഴുവരിച്ച രോഗി മരിച്ചു. വട്ടിയൂര്‍ക്കാവ് സ്വദേശി അനില്‍കുമാറാണ്(56) മരിച്ചത്.
കഴിഞ്ഞവര്‍ഷം ഇയാള്‍ ജോലി കഴിഞ്ഞ് മടങ്ങവേ ഒരു വീഴ്ചയില്‍ കഴുത്തിന് പരിക്ക് പറ്റുകയും ആദ്യം ഒരു സ്വകാര്യ ആശുപത്രിയില്‍ പ്രവേശിക്കുകയും ശേഷം കോവിഡ് പോസിറ്റീവ് ആയതിനാല്‍ തിരുവനന്തപുരം മെഡിക്കല്‍ കോളേജിലേക്ക് മാറ്റുകയും ആയിരുന്നു. എന്നാല്‍ ആശുപത്രി അധികൃതര്‍ അനില്‍കുമാറിനെ വീട്ടില്‍ കൊണ്ടുപോകാന്‍ നിര്‍ദ്ദേശിക്കുകയും തുടര്‍ന്ന് വീട്ടുകാര്‍ എത്തി അനില്‍കുമാറിനെ വീട്ടിലേക്ക് കൊണ്ടു വന്നപ്പോഴാണ് ശരീരം പുഴുവരിച്ച നിലയില്‍ കണ്ടെത്തിയത്.ഇത് വലിയ വിവാദങ്ങള്‍ക്ക് വഴിവെച്ചിരുന്നു.