പാടത്ത് കയറിയ ആട് നെല്ല് തിന്നെന്ന് ആരോപിച്ച്‌ പതിമൂന്ന് കാരിയെ ക്രൂരമായി മര്‍ദിച്ചു. മലപ്പുറം ചെറുമല സ്വദേശികളായ മുസ്തഫ-ഷക്കീന ദമ്പതികളുടെ മകളെയാണ് ക്രൂരമായി മര്‍ദ്ദിച്ചത്.
പെണ്‍കുട്ടിയുടെ ബന്ധുക്കള്‍ നല്‍കിയ പരാതിയുടെ അടിസ്ഥാനത്തില്‍ കാട്ടുപൊയില്‍ സ്വദേശി അബ്ദുല്‍ ഗഫൂറിനെതിരെ പൊലീസ് കേസെടുത്തു. പിന്നീട് ഇയാളെ ജാമ്യത്തില്‍ വിട്ടു. പ്രതിക്കെതിരെ ദുര്‍ബല വകുപ്പുകളാണ് ചുമത്തിയതെന്ന് കുടുംബം ആരോപിക്കുന്നു. തുടര്‍ന്ന്, കുടുംബം എസ്പിക്കും ശിശുക്ഷേമ വകുപ്പിനും പരാതി നല്‍കിയെങ്കിലും ഫലമുണ്ടായില്ലെന്ന് കുടുംബം.
അതേസമയം, പരാതി വ്യാജമാണെന്നാണ് അബ്ദുല്‍ ഗഫൂര്‍ പറയുന്നത്. ആട് നെല്ല് നശിപ്പിച്ചതിനെ തുടര്‍ന്ന് വഴക്ക് പറഞ്ഞിരുന്നു അല്ലാതെ മറ്റൊന്നും ചെയ്തില്ലെന്ന് അബ്ദുല്‍ ഗഫൂര്‍.