സംസ്ഥാന സര്‍ക്കാരിന്റെ ‘ലഹരിവിമുക്ത കേരളം’ പ്രചാരണ പരിപാടികളുടെ ഭാഗമായി ജില്ലാ ഇന്‍ഫര്‍മേഷന്‍ ഓഫീസും ഏറനാട് താലൂക്ക് കോ-ഓപ്പറേറ്റീവ് ആര്‍ട്സ് കോളജും നശാമുക്ത് ഭാരത് അഭിയാനും സംയുക്തമായി ലഹരിവിരുദ്ധ ബോധവത്ക്കരണ ക്ലാസ് സംഘടിപ്പിക്കും.
ഏറനാട് താലൂക്ക് കോ-ഓപ്പറേറ്റീവ് ആര്‍ട്സ് കോളജ് ഓഡിറ്റോറിയത്തില്‍ നാളെ രാവിലെ 10.30ന് സംഘടിപ്പിക്കുന്ന ബോധവത്ക്കരണ ക്ലാസ് ജില്ലാ ഇന്‍ഫര്‍മേഷന്‍ ഓഫീസര്‍ പി. റഷീദ് ബാബു ഉദ്ഘാടനം ചെയ്യും. ഏറനാട് താലൂക്ക് കോ-ഓപ്പറേറ്റീവ് ആര്‍ട്സ് കോളജ് എക്സിക്യൂട്ടീവ് ഡയറക്ടര്‍ എം.കരീം മാസ്റ്റര്‍ അധ്യക്ഷനാവും.
നശാമുക്ത് ഭാരത് അഭിയാന്‍ ജില്ലാ കോര്‍ഡിനേറ്റര്‍ എസ്. ഹരികുമാര്‍ ക്ലാസെടുക്കും. ഏറനാട് താലൂക്ക് കോ-ഓപ്പറേറ്റീവ് ആര്‍ട്സ് കോളജ് പ്രിന്‍സിപ്പല്‍ ഉഷാദേവി, കോളജ് സെക്രട്ടറി ജോബ് തോമസ്, കോളജ് മെഗാ അലൂംനി സംഘാടക സമിതി അംഗം സുനില്‍ കുമാര്‍ കാരക്കുത്ത്, ഹനീഫ നെല്ലിക്കുത്ത് തുടങ്ങിയവര്‍ സംസാരിക്കും. ഏറനാട് താലൂക്ക് കോ-ഓപ്പറേറ്റീവ് ആര്‍ട്സ് കോളജിന്റെ നാല്‍പതാം വാര്‍ഷികത്തോടനുബന്ധിച്ച് നടക്കുന്ന മെഗാ അലൂംനിയുടെ ഭാഗമായി വിവിധ പരിപാടികള്‍ സംഘടിപ്പിക്കുന്നുണ്ട്. ഇതിന്റെ ഭാഗമായാണ് ലഹരിവിരുദ്ധ ബോധവത്ക്കരണ ക്ലാസ്.