തിരുവനന്തപുരം: പ്രണയം കാരണം സംസ്ഥാനത്ത് കഴിഞ്ഞ നാല് വര്‍ഷം കൊണ്ട് ജീവന്‍ നഷ്ടമായത് 350 പെണ്‍കുട്ടികള്‍ക്ക്. ഇതില്‍ 340 പെണ്‍കുട്ടികളും ആത്മഹത്യ ചെയ്യുകയായിരുന്നു. 10 പേര്‍ കൊലചെയ്യപ്പെടുകയായിരുന്നുവെന്നും ആഭ്യന്തര വകുപ്പിന്റെ കണക്കുകള്‍ വ്യക്തമാക്കുന്നു.
2017 മുതല്‍ 2020 വരെയുള്ള കാലയളവിലെ കണക്കുകളാണ് ആഭ്യന്തര വകുപ്പ് പുറത്തുവിട്ടത്. പ്രണയബന്ധങ്ങളുടെ പേരില്‍ 2020ലാണ് ഏറ്റവും കൂടുതല്‍ പെണ്‍കുട്ടികള്‍ മരണപ്പെട്ടത്. രണ്ട് കൊലപാതകങ്ങളും 96 ആത്മഹത്യകളും അടക്കം 98 കേസുകളാണ് റിപ്പോര്‍ട്ട് ചെയ്തത്. 2019ല്‍ അഞ്ചു കൊലപാതകങ്ങളും 88 ആത്മഹത്യകളും ഉള്‍പ്പെടെ 93 കേസുകള്‍ റിപ്പോര്‍ട്ട് ചെയ്തത്. 2018ല്‍ ആത്മഹത്യ ചെയ്തത് 76 പേരായിരുന്നു. 2017ല്‍ മൂന്ന് കൊലപാതകങ്ങളും 80 ആത്മഹത്യകളും ഉള്‍പ്പെടെ 83 മരണങ്ങളും റിപ്പോര്‍ട്ട് ചെയ്തു.
ആഭ്യന്തര വകുപ്പില്‍ നിന്ന് ലഭ്യമായ കണക്കിന്റെ അടിസ്ഥാനത്തില്‍, നിയമസഭയില്‍ ഡോ. എം.കെ മുനീറിന്റെ ചോദ്യത്തിന് ആരോഗ്യ-വനിത-ശിശുവികസന മന്ത്രി വീണാ ജോര്‍ജ് രേഖാമുലം നല്‍കിയ മറുപടിയിലാണ് ഇക്കാര്യം വെളിപ്പെടുത്തിയത്. കഴിഞ്ഞ ആറാം തിയതിവരെ സംസ്ഥാനത്ത് കോവിഡ് ബാധിച്ച് 6833 സ്ത്രീകള്‍ മരണപ്പെട്ടതായും മന്ത്രി വെളിപ്പടുത്തുന്നു. 18 വയസിന് താഴെ പ്രായമുള്ള 36കുട്ടികളും കോവിഡ് ബാധിച്ചു മരണപ്പെട്ടിട്ടുണ്ട്.