കൊല്ലം ജില്ലയിലെ ചിതറയില്‍ പുകപ്പുര തുരന്ന് റബര്‍ ഷീറ്റ് മോഷണം നടത്തിയ സംഭവത്തില്‍ പ്രതിയെ പൊലീസ് പിടികൂടി. അരിപ്പ പണയില്‍ വീട്ടില്‍ മുഹമ്മദ് ഹാരിസാണ് പൊലീസിന്റെ പിടിയിലായത്. മടത്തറയ്ക്ക് സമീപമുളള ഇന്റോയല്‍ റബര്‍ തോട്ടത്തിലായിരുന്നു മോഷണം. അരിപ്പ പണയില്‍ വീട്ടില്‍ മുഹമ്മദ് ഹാരിസ് റബര്‍ തോട്ടത്തിലുളള പുകപ്പുര തുരന്നാണ് റബര്‍ ഷീറ്റ് മോഷ്ടിച്ചത്. നാല്പത് ഷീറ്റാണ് ഇവിടെ നിന്ന് മോഷ്ടിച്ചത്.
പുലര്‍ച്ചെ അഞ്ചിന് കടയ്ക്കലിലെ റബര്‍ കടയുടെ മുന്‍വശത്ത് ചാക്കുമായി ഇരിക്കുന്ന മുഹമ്മദ് ഹാരിസിനെ കണ്ട് നാട്ടുകാര്‍ക്ക് സംശയമായി. പൊലീസെത്തി പരിശോധന നടത്തിയതില്‍ ചാക്കില്‍ റബര്‍ ഷീറ്റാണന്ന് മനസിലായി. തുടര്‍ന്ന് നടത്തിയ ചോദ്യചെയ്യലിലാണ് പ്രതി മോഷണവിവരം പൊലീസിനോട് സമ്മതിച്ചത്.