ഫറോക്ക്: രാമനാട്ടുകര-പെരുമുഖം- നല്ലൂര്‍ റോഡ് സമയബന്ധിതമായി പൂര്‍ത്തീകരിക്കാന്‍ നടപടി സ്വീകരിക്കാതിരുന്ന പൊതുമരാമത്ത് ഉദ്യോഗസ്ഥര്‍ക്കെതിരെ പൊലീസ് കേസ്.പെരുമുഖം പരിസ്ഥിതിസംരക്ഷണ സമിതി സെക്രട്ടറി അഭിലാഷ് മലയില്‍ നല്‍കിയ പരാതിയിലാണ് പി.ഡബ്ല്യൂ.ഡി റോഡ്സ് വിഭാഗം സൂപ്രണ്ടിങ് എന്‍ജിനീയര്‍, എക്സിക്യൂട്ടിവ് എന്‍ജിനീയര്‍, എന്നിവര്‍ക്കെതിരെ ഫറോക്ക് പൊലീസ് കേസ് രജിസ്റ്റര്‍ ചെയ്തത്..എസ്.ഇ.ബി കേബിള്‍ സ്ഥാപിക്കാന്‍ ഏഴ് മാസം മുമ്ബ് കുഴിയെടുത്ത റോഡ് ഇതുവരെ പൂര്‍വസ്ഥിതിയിലാക്കിയില്ലെന്ന് ചൂണ്ടിക്കാട്ടിയാണ് പരാതി.
കേബിള്‍ സ്ഥാപിച്ച റോഡ് പൂര്‍വസ്ഥിതിയില്‍ ആക്കുന്നതിന് കെ.എസ്.ഇ.ബി 42.07 ലക്ഷം നേരത്തെ മരാമത്ത് റോഡ്സ് വിഭാഗത്തില്‍ അടച്ചിട്ടുണ്ട്. എന്നാല്‍, റോഡ് സഞ്ചാരയോഗ്യമാക്കാനുള്ള പ്രവൃത്തി ചെയ്യാത്തതിനാല്‍ രൂക്ഷമായ പൊടിശല്യവും ഗതാഗതതടസ്സവും കാരണം യാത്രക്കാര്‍ ദുരിതമനുഭവിക്കുകയാണെന്ന് പരാതിയില്‍ പറയുന്നു. കൈപ്പറ്റിയ ഫണ്ട് വിനിയോഗിക്കാതെയും കുഴിയെടുത്ത ഭാഗങ്ങള്‍ പൂര്‍വസ്ഥിതിയിലാക്കാതെയും ഉദ്യോഗസ്ഥര്‍ തികഞ്ഞ അനാസ്ഥയാണ് കാണിച്ചതെന്നും പരാതിയിലുണ്ട്.