പ്രമുഖ യൂട്യൂബ് വോളാഗര്‍മാര്‍ ആയിരുന്ന ഇ ബുള്‍ ജെറ്റ് സഹോദരങ്ങള്‍ക്ക് മയക്കുമരുന്ന് ബന്ധം ഉണ്ടെന്ന് പോലീസ്. പ്രതികളുടെ ജാമ്യം റദ്ദാക്കണമെന്ന് ആവശ്യപ്പെട്ട് പോലീസ് കോടതിയില്‍ നല്‍കിയ റിപ്പോര്‍ട്ടിലാണ് ഇത്തരത്തില്‍ ഒരു വാദം.
പ്രതികള്‍ കഞ്ചാവ് ചെടി ഉയര്‍ത്തിപ്പിടിച്ചുള്ള ദൃശ്യങ്ങള്‍ സാമൂഹ്യ മാധ്യമങ്ങളില്‍ പങ്കുവെക്കുകയും ഇത് പ്രോത്സാഹിപ്പിക്കുന്ന തരത്തില്‍ സംസാരിക്കുകയും ചെയ്തു എന്നാണ് പോലീസ് ആരോപിക്കുന്നത്. ഗവണ്‍മെന്റിന് എതിരെയും പോലീസിനെതിരെയും നടന്ന സൈബര്‍ ആക്രമണത്തില്‍ പ്രതികളുടെ പങ്ക് പരിശോധിക്കണമെന്നും തലശ്ശേരി അഡീഷണല്‍ സെഷന്‍സ് കോടതിയില്‍ പൊലീസ് അറിയിച്ചു.