പെരുമ്പടപ്പ് ഗ്രാമപഞ്ചായത്തിലെ നവീകരിച്ച അയിരൂർ ആനറക്കുളം പി. നന്ദകുമാർ എം.എൽ എ നാടിന് സമർപ്പിച്ചു.പഴയ കാല പ്രൗഡി വീണ്ടെടുക്കുന്നതിൻ്റെ ഭാഗമായി നിലവിലുള്ള ജല സ്രോതസുകളുടെ നവീകരണവും ശുദ്ധീകരണവും ഉറപ്പാക്കുന്നത് വഴി പുതിയൊരു ജല ഉപയോഗസംസ്‌കാരം രൂപപ്പെടുത്തുകയും പഴയകാല ജല സമൃദ്ധിയിലേക്ക് പെരുമ്പടപ്പ് പഞ്ചായത്തിനെ എത്തിക്കുക എന്ന ലക്ഷ്യത്തോടെയുമാണ് ആനറക്കുളം നവീകരിച്ചത്.
സംസ്ഥാന സര്‍ക്കാര്‍ നടപ്പിലാക്കുന്ന ഹരിത കേരളം പദ്ധതിയിലൂടെ 75 ലക്ഷം രൂപ വകയിരുത്തിയാണ് ഇറിഗേഷൻ വകുപ്പിന് കീഴിലാണ് പുനരുദ്ധാരണ പ്രവൃത്തികൾ നടത്തിയത്.
ചടങ്ങിൽ പെരുമ്പടപ്പ് ഗ്രാമപഞ്ചായത്ത് പ്രസിഡന്റ് ബിനീഷ മുസ്തഫ അധ്യക്ഷയായി.പെരുമ്പടപ്പ് പഞ്ചായത്ത് വൈസ് പ്രസിഡന്റ് പി നിസാർ , പഞ്ചായത്ത് സ്ഥിരം സമിതി അധ്യക്ഷ
സൗദ അബ്ദുള്ള,ഗ്രാമ പഞ്ചായത്ത് അംഗങ്ങളായ കെ. ഉണ്ണികൃഷ്ണൻ, ടി.എച്ച് മുസ്തഫ, പി.കെ സക്കരിയ, ശാന്ത കുമാരൻ, വിവിധ രാഷ്ട്രീയകക്ഷി പ്രതിനിധികൾ, പഞ്ചായത്ത് സെക്രട്ടറി വി. ജയരാജൻ തുടങ്ങിയവർ പങ്കെടുത്തു സംസാരിച്ചു.