നിരോധിത പുകയില ഉല്‍പ്പന്നങ്ങള്‍ എത്തിച്ച്‌ മൊത്ത വില്‍പ്പന നടത്തുന്ന യുവാവ് അറസ്റ്റില്‍. തൃക്കടീരി കാരാട്ടുകുര്‍ശ്ശി പുത്തുകുടി വീട്ടില്‍ ഫൈജാസ് എന്ന 35-കാരനെയാണ് ചെര്‍പ്പുളശ്ശേരി പൊലീസ് അറസ്റ്റ് ചെയ്തത്.
ഇന്‍സ്പെക്ടര്‍ ടി. ശശികുമാറിന് ലഭിച്ച രഹസ്യവിവരത്തെ തുടര്‍ന്ന് നടത്തിയ പരിശോധനയിലാണ് 13 ചാക്കുകളിലായി വാനില്‍ കടത്തുകയായിരുന്ന 13946 പാക്കറ്റ് നിരോധിത പുകയില ഉല്‍പ്പന്നങ്ങള്‍ കണ്ടെത്തിയത്.
എസ്.ഐമാരായ ബി. പ്രമോദ്, ഐ. ബിനുമോഹന്‍ , ശ്യാം സീനിയര്‍ സിവില്‍ പൊലീസ് ഓഫിസര്‍ വിനു ജോസഫ്, വിനോദ്, സിവില്‍ പൊലീസ് ഓഫിസര്‍മാരായ ഉമ്മര്‍സാദിഖ്, ഹോം ഗാര്‍ഡ് മുരളി എന്നിവരടങ്ങിയ സംഘമാണ് പ്രതിയെ പിടികൂടിയത്.