പറവൂര്‍: ബൈക്കും ഓട്ടോയുടെ ബാറ്ററിയും മോഷ്ടിച്ച കേസില്‍ കൈതാരം മഹിളപ്പടി കൊരണിപറമ്ബില്‍ ജിതിനെ (18) പൊലീസ് അറസ്റ്റ് ചെയ്തു.കൊടുങ്ങല്ലൂര്‍ അഞ്ചങ്ങാടി മഠത്തിപ്പറമ്ബില്‍ ഫയാസിനെ (19) കഴിഞ്ഞ ദിവസം പിടികൂടിയിരുന്നു. ഒരാളെക്കൂടി അറസ്റ്റ് ചെയ്യാനുണ്ട്.
വ്യാഴാഴ്ച ഉച്ചക്ക് പെരുമ്ബടന്നയില്‍നിന്ന് ഓട്ടോയുടെ ബാറ്ററി മോഷ്ടിച്ചശേഷം രക്ഷപ്പെടാന്‍ ശ്രമിച്ച ഇവര്‍ സഞ്ചരിച്ച രണ്ട് ബൈക്കുകളില്‍ ഒരെണ്ണം സമൂഹം ഹൈസ്കൂളിന് സമീപം കാറില്‍ ഇടിച്ചിരുന്നു. പിന്നാലെ എത്തിയവരാണ് ഫയാസിനെ പിടികൂടി പൊലീസില്‍ ഏല്‍പിച്ചത്. ഇയാളില്‍നിന്ന് ലഭിച്ച വിവരങ്ങളുടെ അടിസ്ഥാനത്തില്‍ ജിതിനെ പിടികൂടിയത്.