കോഴിക്കോട് : അട്ടപ്പാടിയിലെ ആദിവാസികളില്‍നിന്ന 34 ലക്ഷം തട്ടിയതായി പരാതി. പണം നഷ്ടപ്പെട്ടവരാണ് പൊലീസില്‍ പരാതി നല്‍കിയത്.ഭാരത് ഫിനാന്‍സ് എന്ന സ്ഥാപനത്തിന്റെ യൂനിറ്റ് മാനേജരെയും ക്രഡിറ്റ് മാനേജരെയും പ്രതിയാക്കി പൊലീസ് കേസ് എടുത്തു.
ഉപഭോക്താക്കളില്‍നിന്ന് വായ്പ നല്‍കാമെന്ന് പറഞ്ഞ് ഇരുവരും ചേര്‍ന്ന് അപേക്ഷ വാങ്ങി. ആദിവാസികളുടെ പേരില്‍ ലോണ്‍ പാസാക്കി. എന്നാല്‍, പ്രതികള്‍ പണം കൈക്കലാക്കി. ഉപഭോക്താക്കള്‍ പണം തട്ടിയ വിവരം അറിഞ്ഞിരുന്നില്ല. അതിന് പുറമെയാണ് ഉപഭോക്താക്കളില്‍നിന്ന് തിരിച്ചടവ് തുകയും തട്ടിയെടുത്തത്. തുക സ്ഥാപനത്തില്‍ അടിച്ചിട്ടില്ലെന്നാണ് അധികൃതര്‍ പറയുന്നത്. ആദിവാസികള്‍ക്ക് പെട്ടെന്ന് തിരിച്ചറിയാന്‍ കഴിയാത്ത വിധമാണ് ഇവര്‍ തട്ടിപ്പ് നടത്തിയത്. പൊലീസ് അന്വേഷണം തുടങ്ങി.