അഫ്ഗാനിസ്ഥാന്‍ താലിബാന്‍ സൈന്യം കീഴടക്കിയതിനെ തുടര്‍ന്ന് ആഭ്യന്തര സംഘര്‍ഷം രൂക്ഷമായ അഫ്ഗാനില്‍ നിന്ന് ഞെട്ടിക്കുന്ന ദൃശ്യങ്ങള്‍ പുറത്ത്.അഫ്ഗാനില്‍ നിന്ന് രക്ഷനേടാനായി കൂട്ട പാലായനത്തിനായി ശ്രമിക്കുന്ന ആളുകളുടെ ദൃശ്യങ്ങളാണ് പുറത്തുവരുന്നത് .
രക്ഷപ്പെടുന്നതിന് വേണ്ടി വിമാനത്തിന്റെ ടയറില്‍ അള്ളിപ്പിടിച്ച് ഇരിക്കുകയും വിമാനം ഉയരുമ്പോള്‍ നിയന്ത്രണം ലഭിക്കാതെ പറന്നുയരുന്ന വിമാനത്തില്‍നിന്ന് ചിലര്‍ താഴേക്ക് പതിക്കുന്ന ഭീകരമായ ദൃശ്യങ്ങള്‍ ആണ് ഇപ്പോള്‍ പുറത്തുവരുന്നത്.
നേരത്തെ വിമാനത്തില്‍ കയറി പറ്റാന്‍ ശ്രമിക്കുന്ന ആളുകളുടെ വീഡിയോയും നേരത്തെ പുറത്തു വന്നിരുന്നു. ഇതിന്റെ തിക്കിലും തിരക്കിലുംപെട്ട് അഞ്ചു പേര്‍ മരണപ്പെട്ടതായി അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നു.