ബംഗ്ലാദേശിനെതിരായ രണ്ടാം ഏകദിനത്തിനിടെ ഇടത് തള്ളവിരലിന് പരിക്കേറ്റ ഇന്ത്യന്‍ ക്യാപ്റ്റന്‍ രോഹിത് ശര്‍മ്മ ബംഗ്ലാദേശിന് എതിരെ നടക്കുന്ന ആദ്യ ടെസ്റ്റില്‍ ഉണ്ടാകില്ല.രണ്ടാമത്തെയും അവസാനത്തെയും ടെസ്റ്റിന് അദ്ദേഹം ഉണ്ടാകുമോ എന്ന് ബി സി സി ഐ പിന്നീട് അറിയിക്കും. രോഹിത് ഇപ്പോള്‍ മുംബൈയില്‍ ആണുള്ളത്. രോഹിതിന് പകരക്കാരനായി അഭിമന്യു ഈശ്വരനെ ടീമിലേക്ക് തിരഞ്ഞെടുത്തു.
ഫാസ്റ്റ് ബൗളര്‍ മൊഹമ്മദ് ഷമിയും ഓള്‍റൗണ്ടര്‍ രവീന്ദ്ര ജഡേജയും ഇതുവരെ പൂര്‍ണമായി സുഖം പ്രാപിച്ചിട്ടില്ലാത്തതിനാല്‍ ടെസ്റ്റ് പരമ്ബരയില്‍ നിന്ന് പുറത്തായി. ഷമി, ജഡേജ എന്നിവര്‍ക്ക് പകരക്കാരായി നവദീപ് സെയ്നിയെയും സൗരഭ് കുമാറിനെയും സെലക്ടര്‍മാര്‍ ടീമിലേക്ക് തിരഞ്ഞെടുത്തു. ടെസ്റ്റ് പരമ്പരയ്ക്കുള്ള ഇന്ത്യന്‍ ടീമില്‍ ഫാസ്റ്റ് ബൗളര്‍ ജയ്ദേവ് ഉനദ്കട്ടിനെയും സെലക്ഷന്‍ കമ്മിറ്റി ഉള്‍പ്പെടുത്തിയിട്ടുണ്ട്.