നിയമപരമായി നിലനില്‍ക്കുന്നതുകൊണ്ട് മാത്രം ഒരു കേസില്‍ പ്രതിയുടെ അറസ്റ്റ് രേഖപ്പെടുത്തേണ്ടതില്ലെന്ന് സുപ്രീംകോടതി. വ്യക്തിസ്വാതന്ത്ര്യത്തിന് വില കല്‍പിക്കണം എന്ന് ചൂണ്ടിക്കാട്ടിയാണ് സുപ്രീം കോടതിയുടെ പുതിയ വിലയിരുത്തല്‍. ജസ്റ്റിസുമാരായ സഞ്ജയ് കിഷന്‍ കൗല്‍, ഋഷികേശ് റോയ് എന്നിവരാണ് പുതിയ ഉത്തരവ് പുറപ്പെടുവിച്ചത്.
പ്രതി ഒളിവില്‍ പോവും എന്നോ സമന്‍സ് ലംഘിക്കുമെന്നോ അന്വേഷണ ഉദ്യോഗസ്ഥര്‍ക്ക് തോന്നാത്ത കേസുകളില്‍ അറസ്റ്റ് അനിവാര്യമല്ല എന്നാണ് സുപ്രീം കോടതിയുടെ നിലപാട്. കൂടാതെ കസ്റ്റഡിയില്‍ ചോദ്യം ചെയ്യേണ്ടത് അനിവാര്യം ആവുക, സാക്ഷികളെ സ്വാധീനിക്കാനുള്ള സാധ്യത, ഗൗരവകരമായ കുറ്റം എന്നിങ്ങനെ ഉള്ള സാഹചര്യങ്ങളില്‍ മാത്രം അറസ്റ്റ് രേഖപ്പെടുത്തിയാല്‍ മതി എന്നാണ് കോടതി പറയുന്നത്.
എല്ലാ കേസിലും അറസ്റ്റ് രേഖപ്പെടുത്തുന്നതിലൂടെ വ്യക്തികളുടെ അന്തസ്സിനും ആത്മാഭിമാനത്തിനും അത് ബാധിക്കും എന്ന വിലയിരുത്തലാണ് കോടതിക്കുളത്.