ഭോപ്പാല്‍: മധ്യപ്രദേശിലെ കട്‌നി ജില്ലാ ആശുപത്രിയിലെ പ്രസവ വാര്‍ഡില്‍ തീപിടിത്തം. തിങ്കളാഴ്ച രാത്രി 10.30 ഓടെയാണ് തീപിടുത്തമുണ്ടായത്.സംഭവത്തില്‍ ആര്‍ക്കും പരിക്കില്ലെന്ന് ഉദ്യോഗസ്ഥന്‍ അറിയിച്ചു. തീപിടുത്തമുണ്ടായ ഉടന്‍ തന്നെ അണക്കാനുള്ള ശ്രമങ്ങള്‍ ആരംഭിച്ചിരുന്നതായി കട്‌നി ജില്ലാ കലക്ടര്‍ അവി പ്രസാദ് പറഞ്ഞു.
ഷോര്‍ട്ട് സര്‍ക്യൂട്ടാണ് തീപിടുത്തത്തിന് കാരണമെന്നാണ് പ്രാധമിക നിഗമനം. തീപിടിത്തമുണ്ടായ ഉടന്‍ തന്നെ വാര്‍ഡിലുണ്ടായിരുന്ന എല്ലാ സ്ത്രീകളെയും കുട്ടികളെയും സുരക്ഷിതമായി പുറത്തെത്തിച്ചുവെന്നും സംഭവത്തില്‍ ആര്‍ക്കും പരിക്കില്ലെന്നും പൊലീസ് പറഞ്ഞു.