കൊച്ചി: ഒറ്റയ്ക്ക് താമസിക്കുന്നവരാണെങ്കില്‍ കോവിഡ് വാക്‌സിന്‍ കിട്ടാത്തവര്‍ക്കും അലര്‍ജിയോ മറ്റെന്തെങ്കിലും രോഗമോ കൊണ്ടോ എടുക്കാത്തവര്‍ക്കും അത്യാവശ്യ കാര്യങ്ങളില്‍ പുറത്തിറങ്ങാം എന്ന് സര്‍ക്കാര്‍. മറ്റ് ആരും വീട്ടിലില്ലെങ്കില്‍ ആണ് ഇളവെന്നു സര്‍ക്കാര്‍ ഹൈക്കോടതിയെ അറിയിച്ചു.
കൃത്യമായി രേഖകള്‍ ഇല്ലാത്തവരെ പുറത്തിറങ്ങാന്‍ അനുവദിക്കാത്ത സര്‍ക്കാര്‍ നിലപാട് ചോദ്യം ചെയ്തുള്ള ഹര്‍ജിയിലാണ് സര്‍ക്കാര്‍ ഇത്തരത്തിലൊരു നിലപാട് എടുത്തിരിക്കുന്നത്. എന്നാല്‍ ഇത്തരത്തില്‍ അത്യാവശ്യഘട്ടങ്ങളില്‍ പുറത്തു ഇറങ്ങുന്നവര്‍ക്ക് കടകളിലും മറ്റു സ്ഥാപനങ്ങളിലും മുന്‍ഗണന നല്‍കണമെന്നും മാര്‍ഗ്ഗ നിര്‍ദ്ദേശത്തില്‍ പറയുന്നു.