കണ്ണൂര്‍: അവസാന നിമിഷം വരെ പൊരുതി, അവസരങ്ങള്‍ ഒത്തുവന്നിട്ടും ജയിച്ച് കയറാനായില്ല കരീബിയന്‍സിന്. മത്സരാന്ത്യം ജയിച്ച് കയറി ലിന്‍ഷാ മെഡിക്കല്‍സ് മണ്ണാര്‍ക്കാടിന്റെ താരങ്ങള്‍.
വളപട്ടണം ഫുട്ബോളില്‍ ഇന്നലെ നടന്ന മത്സരമാണ് കളിയാരാധകരുടെ പ്രതീക്ഷയും തെറ്റിച്ച നിമിഷങ്ങളിലേക്ക് വഴിമാറിയത്. വളപട്ടണം ടൗണ്‍ സ്പോര്‍ട്സ് ക്ലബ്ബ് ആതിഥ്യമരുളുന്ന ടൂര്‍ണമെന്റില്‍ വീറുംവാശിയും നിറഞ്ഞതായിരുന്നു പോരാട്ടം. ലിന്‍ഷ മെഡിക്കല്‍സിനെതിരെ ഇഞ്ചോടിഞ്ച് പൊരുതുകയായിരുന്നു തളിപ്പറമ്പ കരീബിയന്‍സ്.
കരീബിയന്‍സിന്റെ മിടുക്കില്‍ ജയം അവര്‍ക്ക് തന്നെയെന്ന് കാണികള്‍ വിലയിരുത്തിയ മത്സരം. ഒടുവില്‍ കരീബിയന്‍സ് സ്കോര്‍ ചെയ്ത ഒരു ഗോളിനെതിരെ രണ്ട് ഗോളില്‍ മുന്നിലെത്തി ലിന്‍ഷ മെഡിക്കല്‍സ് ജയിച്ച് കയറുന്ന നിമിഷങ്ങള്‍ക്കാണ് മെെതാനം സാക്ഷിയായത്. അവസരങ്ങള്‍ ഏറെ ലഭിച്ചിട്ടും ഫിനിഷിംഗിലെയും കളിയടവുകളിലെയും പോരായ്മയാണ് കരീബിയന്‍സിന്റെ പരാജയത്തിലേക്ക് വഴിതെളിയിച്ചത്.
29-ാമത് എ.കെ കുഞ്ഞിമായന്‍ ഹാജി സ്മാരക ട്രോഫിക്കും ഷെര്‍ലോണിന്റെ ഒരുലക്ഷം രൂപ പ്രെെസ് മണിക്കും വേണ്ടി നടക്കൂന്ന അഖിലേന്ത്യാ സെവന്‍സ് ഫുട്ബോളില്‍ ആതിഥേയരുമായാണ് ഇന്നത്തെ അങ്കം. സ്കെെ ബ്ലൂ എടപ്പാളുമായാണ് വളപട്ടണം ടൗണ്‍ സ്പോര്‍ട്സ് ക്ലബ്ബിന്റെ താരങ്ങള്‍ ഏറ്റുമുട്ടുക.