‘പത്താൻ’ സിനിമയിലെ ‘ബെഷരം റംഗ് ‘ എന്ന് തുടങ്ങുന്ന ഗാനത്തിനെതിരെ രംഗത്ത് വന്നിരിക്കുകയാണ് മധ്യപ്രദേശ് ആഭ്യന്തരമന്ത്രി നരോത്തം മിശ്ര. ഗാനത്തിൽ ദീപിക ബിക്കിനി ധരിച്ചാണ് അഭിനയിച്ചത്, മധ്യപ്രദേശിൽ സിനിമ പ്രദർശിപ്പിക്കണമെങ്കിൽ ഗാനരംഗത്തിൽ മാറ്റം വരുത്തണമെന്ന് അദ്ദേഹം പറഞ്ഞു. ദീപിക തുക്ക്ഡെ തുക്ക്ഡെ സംഘത്തിന്റെ അനുകൂലിയാണെന്നും ജെ എന്‍ യു സമരത്തിൽ പങ്കെടുത്തിട്ടുണ്ടെന്നും അദ്ദേഹം കൂട്ടിച്ചേർത്തു.
ദീപികയുടെ വസ്ത്രധാരണത്തിലും സിനിമയിലെ ഗാനരംഗത്തിലും തിരുത്തൽ നടത്തേണ്ടതുണ്ടെന്നും അവ ശരിയാക്കണമെന്നും അല്ലെങ്കിൽ ഈ സിനിമ മധ്യപ്രദേശിൽ പ്രദർശിപ്പിക്കില്ലെന്നും, വളരെ മലിനമായ മാനസികാവസ്ഥയിൽ നിന്നാണ് ഇങ്ങനെയൊരു പാട്ട് എടുത്തത് എന്നും മിശ്ര കൂട്ടിച്ചേർത്തു.