ന്യൂഡല്‍ഹി: വ്യാജ വാര്‍ത്ത പ്രചരിപ്പിച്ചതിന് ആറു യൂട്യൂബ് ചാനലുകളെ നിരോധിച്ച്‌ കേന്ദ്രസര്‍ക്കാര്‍. 51 കോടി കാഴ്ചക്കാരുള്ള ഈ ചാനലുകള്‍ പരസ്പര സഹകരണത്തോടെ വ്യാജ വാര്‍ത്ത പ്രചരിപ്പിക്കുകകായിരുന്നു എന്ന് പ്രസ് ഇന്‍ഫര്‍മേഷന്‍ ബ്യൂറോയുടെ ഫാക്‌ട് ചെക് വിഭാഗം കണ്ടെത്തി. ഇതേത്തുടര്‍ന്നാണ് വാര്‍ത്താ വിതരണ പ്രക്ഷേപണ മന്ത്രാലയം ഈ ചാനലുകളെ നിരോധിച്ചത്.
സുപ്രീംകോടതി നടപടി ക്രമങ്ങള്‍, തെരഞ്ഞെടുപ്പുകള്‍, സര്‍ക്കാര്‍ പ്രവര്‍ത്തനങ്ങള്‍ എന്നിവയെ കുറിച്ചാണ് ഈ ചാനലുകള്‍ വ്യാജ വാര്‍ത്തകള്‍ നല്‍കിയത്. നേഷന്‍ ടിവി, സംവാദ് ടിവി. സരോകര്‍ ഭാരത്, നേഷന്‍ 24, സ്വര്‍ണിം ഭാരത്, സംവാദ് സമാചാര്‍ എന്നിവയാണ് നിരോധിച്ചത്. സംവാദ് ടിവിയും നേഷന്‍ ടിവിയും ഇന്‍സൈഡ് ഇന്ത്യ, ഇന്‍സൈഡ് ഭാരത് എന്നിങ്ങനെ പേര് മാറ്റിയിരുന്നു. എന്നാല്‍ ഇത് പിഎന്‍ബിയുടെ ഫാക്‌ട് ചെക് വിഭാഗം കണ്ടെത്തി.