കേന്ദ്ര സര്‍വകലാശാലകളിലെ ബിരുദ കോഴ്സുകളിലേക്കുള്ള പ്രവേശന പരീക്ഷയായ കോമണ്‍ യൂനിവേഴ്സിറ്റി എന്‍ട്രന്‍സ് ടെസ്റ്റിനുള്ള (സി.യു.ഇ.ടി- യു.ജി) അപേക്ഷ സ്വീകരിച്ചുതുടങ്ങി.മാര്‍ച്ച്‌ 12 വരെ https://cuet.samarth.ac.in എന്ന വെബ്സൈറ്റിലൂടെ പരീക്ഷക്ക് അപേക്ഷിക്കാം. മേയ് 21 മുതല്‍ 31 വരെയാണ് പ്രവേശന പരീക്ഷ നടക്കുക. നാഷനല്‍ ടെസ്റ്റിങ് ഏജന്‍സിയാണ് പരീക്ഷ നടത്തുന്നത്.
പരീക്ഷാ കേന്ദ്രങ്ങള്‍ സംബന്ധിച്ച വിവരങ്ങള്‍ ഏപ്രില്‍ 30ന് പുറത്തിറക്കുമെന്ന് യു.ജി.സി ചെയര്‍മാന്‍ എം. ജഗദീഷ് കുമാര്‍ അറിയിച്ചു. മേയ് രണ്ടാം ആഴ്ച മുതല്‍ നാഷനല്‍ ടെസ്റ്റിങ് ഏജന്‍സി സൈറ്റില്‍നിന്ന് അഡ്മിറ്റ് കാര്‍ഡുകള്‍ ഡൗണ്‍ലോഡ് ചെയ്യാം. ഇംഗ്ലീഷ്, ഹിന്ദി, മലയാളം, തമിഴ്, കന്നടയടക്കം 13 ഭാഷകളിലാണ് പരീക്ഷ നടക്കുക.