പ്രായപൂര്‍ത്തിയാകാത്ത പെണ്‍കുട്ടിയെ പ്രണയം നടിച്ച്‌ കൂട്ടിക്കൊണ്ടുപോയി പീഡിപ്പിച്ച കേസിലെ പ്രതികൾ പിടിയിൽ.
തിരുവന്‍വണ്ടൂര്‍ വനവാതുക്കര സ്വദേശി ബാലു എന്ന അഭിനവ് (19 ), തഴക്കര കല്ലുമല വലിയത്തു പറമ്ബില്‍ ഷാജി(49) എന്നിവരാണ് അറസ്റ്റിലായത്.
മാന്നാര്‍ സ്വദേശിയായ 16 കാരിയെയാണ് പ്രതികള്‍ പീഡിപ്പിച്ചത്. സ്‌കൂളില്‍ പഠിക്കുന്ന സമയം മുതലുള്ള പരിചയത്തില്‍ പെണ്‍കുട്ടിയെ പ്രണയം നടിച്ച്‌ അഭിനവ് പല തവണ പല സ്ഥലങ്ങളില്‍ എത്തിച്ച്‌ പീഡിപ്പിച്ചതായി പൊലീസ് പറഞ്ഞു.
കുട്ടിയെ കാണാനില്ലെന്ന മാതാപിതാക്കളുടെ പരാതിയെത്തുടര്‍ന്നുള്ള അന്വേഷണത്തിലാണ്, പെണ്‍കുട്ടിയെ അങ്കമാലിയില്‍ നിന്നും കണ്ടെത്തിയത്. തുടര്‍ന്നുള്ള അന്വേഷണത്തിലാണ് പീഡന വിവരം പുറത്തു വന്നത്.