മാര്‍ക് ചാപ്മാന് ആദ്യമായി ന്യൂസിലാണ്ട് കേന്ദ്ര കരാര്‍. മാര്‍ട്ടിന്‍ ഗപ്ടിലിന്റെ ഒഴിവിലേക്കാണ് ചാപ്മാനെ പരിഗണിച്ചിരിക്കുന്നത്.ഹോങ്കോംഗില്‍ ജനിച്ച താരം ഹോങ്കോംഗിനായി 21 മത്സരങ്ങളില്‍ കളിച്ച ശേഷം ന്യൂസിലാണ്ടിനായി 22 ടി20 മത്സരങ്ങളിലും 5 ഏകദിനങ്ങളിലും കളിച്ചിട്ടുണ്ട്. 2018ല്‍ അരങ്ങേറ്റം കുറിച്ച താരം ന്യൂസിലാണ്ടിനെ കഴിഞ്ഞ രണ്ട് ടി20 ലോകകപ്പിലും പ്രതിനിധീകരിച്ചിട്ടുണ്ട്.
ജനുവരി 18ന് ആരംഭിയ്ക്കുന്ന ഇന്ത്യ ടൂറിനുള്ള ന്യൂസിലാണ്ട് സംഘത്തിലും ചാപ്മാന് അംഗമാണ്.