ചെന്നൈ: അദാനി ഗ്രൂപ് സ്പോണ്സര് ചെയ്യുന്ന പരിപാടിയായതിനാല്‍ ദലിത് എഴുത്തുകാരി സുകീര്‍ത്ത റാണി അവാര്‍ഡ് നിരസിച്ചു.ന്യൂ ഇന്ത്യന്‍ എക്‌സ്‌പ്രസ് ഗ്രൂപ് വിവിധ മേഖലകളിലെ സംഭാവനകള്‍ക്ക് രാജ്യത്തെ 12 വനിതകള്‍ക്ക് ‘ദേവി അവാര്‍ഡുകള്‍’ പ്രഖ്യാപിച്ചിരുന്നു. ഫെബ്രുവരി എട്ടിന് ചെന്നൈയിലാണ് അവാര്‍ഡ് വിതരണ ചടങ്ങ് സംഘടിപ്പിച്ചിരുന്നത്. റാണിപ്പേട്ട് ജില്ലയിലെ ലാലാപേട്ട സ്വദേശിനിയും അധ്യാപികയുമായ സുകീര്‍ത്ത റാണി ദലിത് സ്ത്രീകളുടെ അവകാശങ്ങളെക്കുറിച്ചുള്ള സാഹിത്യകൃതികളിലൂടെയാണ് ശ്രദ്ധേയയായത്. ദലിത് സാഹിത്യത്തിനുള്ള സംഭാവനകള്‍ കണക്കിലെടുത്താണ് ഇവരെ അവാര്‍ഡിന് തിരഞ്ഞെടുത്തത്.
അവാര്‍ഡ് വിതരണചടങ്ങിന്‍റെ മുഖ്യ സ്പോണ്സര് അദാനി ഗ്രൂപ്പാണെന്ന് പിന്നീടാണ് അറിഞ്ഞതെന്നും ഇത്തരമൊരു ചടങ്ങില്‍ അവാര്‍ഡ് സ്വീകരിക്കുന്നത് തന്‍റെ രാഷ്ട്രീയ- പ്രത്യയശാസ്ത്ര വിശ്വാസ പ്രമാണങ്ങള്‍ക്ക് വിരുദ്ധമാണെന്നും അവാര്‍ഡിനായി തിരഞ്ഞെടുത്തതിന് നന്ദി പറയുന്നതായും സുകീര്‍ത്ത റാണി ഫേസ്ബുക്കില്‍ കുറിച്ചു.
അദാനി സ്പോണ്സര് ചെയ്ത പരിപാടി; എഴുത്തുകാരി അവാര്‍ഡ് നിരസിച്ചു
Tags: ADAANI GROUPchennai