കൊല്ലം കുണ്ടറയില്‍ നവവധുവിന് ക്രൂരപീഡനമെന്ന് പരാതി. കല്യാണം കഴിഞ്ഞ് അഞ്ചാം നാള്‍മുതല്‍ ഭര്‍ത്താവ് മര്‍ദനം തുടങ്ങിയെന്നാണ്് പരാതി. കുണ്ടറ പൊലീസ് ഭര്‍ത്താവ് നിതിനെതിരെ കേസെടുത്തു. സ്ത്രീധനം ആവശ്യപ്പെട്ട് ശാരീരികമായി ഉപദ്രവിച്ചുവെന്നാണ് ആരോപണം.
എന്നാല്‍ പരാതിയില്‍ പറയുന്ന കാര്യങ്ങള്‍ ഭര്‍ത്യ കുടുംബം നിഷേധിച്ചു. ആരോപണവിധേയനായ ഭര്‍ത്താവ് നിതിന്‍ സര്‍ക്കാര്‍ ജീവനക്കാരന്‍ ആണ്. സ്വര്‍ണം നല്‍കാന്‍ വിസമ്മതിച്ചപ്പോളാണ് മര്‍ദനമുണ്ടായതെന്ന് യുവതി പരാതിയില്‍ പറയുന്നു.
യുവതിയുടെ കൈയിലും കഴുത്തിലുമടക്കം പരിക്കുകളുണ്ട്. റൂമില്‍ വാതിലടച്ചായിരുന്നു മര്‍ദനമുണ്ടായതെന്നും നിതിന്റെ അമ്മയും, സഹോദരിയും വീട്ടില്‍ ഉണ്ടായിട്ടും ഇടപെട്ടില്ലെന്നും യുവതി പറഞ്ഞു.