ദുബൈ: കെഎംസിസി പട്ടാമ്പി മണ്ഡലം കൗണ്‍സില്‍ മീറ്റും പട്ടാമ്പി ബ്‌ളോക്ക് പഞ്ചായത്ത് വൈസ് പ്രസിഡണ്ട് റഷീദ് കൈപ്പുറത്തിന് സ്വീകരണവും മണ്ഡലം പ്രസിഡണ്ട് ബഷീര്‍ മുഹമ്മദിന്റെ അധ്യക്ഷതയില്‍ ദുബൈ കെഎംസിസി സംസ്ഥാന വൈസ് പ്രസിഡണ്ട് മുഹമ്മദ് പട്ടാമ്പി ഉദ്ഘാടനം ചെയ്തു.
ജില്ലാ യൂത്ത് ലീഗ് സെക്രട്ടറി കൂടിയായ റഷീദ് കൈപ്പുറത്തിന് പാലക്കാട് ജില്ലാ കെഎംസിസി പ്രസിഡണ്ട് ഫൈസല്‍ തുറക്കല്‍ ഉപഹാരം നല്‍കി. ജില്ലാ ജന.സെക്രട്ടറി ജംഷാദ് വടക്കേതില്‍, ഉമര്‍ ഓങ്ങല്ലൂര്‍, റഷീദ് കൈപ്പുറം സംസാരിച്ചു.
റഷീദ് കൊണ്ടൂര്‍ക്കര വാര്‍ഷിക റിപ്പോര്‍ട്ടും വരവ്-ചെലവ് കണക്കുകളും അവതരിപ്പിച്ചു. പുതിയ കമ്മിറ്റിയുടെ തെരഞ്ഞെടുപ്പിന് റിട്ടേണിംഗ് ഓഫീസര്‍ ടി.എം.എ സിദ്ദീഖ്, നിരീക്ഷകന്‍ ഇബ്രാഹിം ചളവറ എന്നിവര്‍ നേതൃത്വം നല്‍കി.
അനസ് ആമയൂര്‍ അവതാരകനും ബഷീര്‍ മുഹമ്മദ് അനുവാദകനുമായ പാനല്‍ ഐക്യ കണ്‌ഠേന അംഗീകരിച്ചു. ഭാരവാഹികളായി റഷീദ് കൊണ്ടൂര്‍ക്കര (പ്രസി.), അബ്ദുല്‍ ബാസിത് കൊപ്പം (ജന.സെക്ര.), മുനീര്‍ കൈപ്പുറം (ട്രഷ.), വാപ്പനു വല്ലപ്പുഴ, മുസ്തഫ ഇ.പി കുലുക്കല്ലൂര്‍, കബീര്‍ വല്ലപ്പുഴ, സലീം മുതുതല (വൈ.പ്രസി.), ജാബിര്‍ വിളയൂര്‍, ആബിദ് തിരുവേഗപ്പുറ, സാഹിദ് സി.എ പട്ടാമ്പി, ഹസീബ് കുലുക്കല്ലൂര്‍ (സെക്ര.) എന്നിവരെ തെരഞ്ഞെടുത്തു. അനസ് ആമയൂര്‍ സ്വാഗതവും അബ്ദുല്‍ ബാസിത് കൊപ്പം നന്ദിയും പറഞ്ഞു.