നെടുമ്പാശേരി:വെടിയുണ്ടയുമായി കൊച്ചി വിമാനത്താവളത്തില്‍ എത്തിയ വിദേശ പൗരനെ സുരക്ഷ വിഭാഗംപിടികൂടി .ഇന്‍ഡിഗോ വിമാനത്തില്‍ ബംഗ്‌ളരു വഴി ഫ്രാന്‍സിലേക്ക് പോകാനെത്തിയ ഫ്രഞ്ച് പൗരന്‍ റെനിലിയോണ്‍(62) ആണ് പിടിയിലായത്. ഇന്‍ഡിഗോയുടെ സുരക്ഷാവിഭാഗമാണ് ബാഗേജില്‍ വെടിയുണ്ട കണ്ടെത്തിയത്. ഇയാള്‍ക്കൊപ്പം ഭാര്യയും മകനുമുണ്ടായിരുന്നു.
വെടിയുണ്ട കണ്ടെത്തിയതിനെ തുടര്‍ന്ന് മൂവരുടെയും യാത്രതടസപ്പെട്ടു.നെടുമ്പാശേരി പൊലീസിന് കൈമാറിയ ഇയാളെ ചോദ്യം ചെയ്തുവരികയാണ്.ഒരു വെടിയുണ്ടയാണ് ബാഗേജില്‍ ഉണ്ടായിരുന്നത്.ഇത് അബദ്ധത്തില്‍ ബാഗേജില്‍ പെട്ടതാണെന്നാണ് ഇയാള്‍ മൊഴിനല്‍കിയിരിക്കുന്നത്