എച്ച്3എന്‍2 വൈറസ് വ്യാപനത്തില്‍ ജാഗ്രത പുലര്‍ത്താന്‍ സംസ്ഥാനങ്ങളോട് നിര്‍ദേശിച്ച് കേന്ദ്രം. വൈറസ് വ്യാപനം തടയുന്നതിന് ആവശ്യമായ ബോധവത്കരണം നടത്തണം.
രോഗവ്യാപനം രൂക്ഷമാകുന്ന പശ്ചാതലത്തില്‍ ആരോഗ്യ സെക്രട്ടറി രാജേഷ് ഭൂഷണ്‍ വിളിച്ചു ചേര്‍ത്ത യോഗത്തിന് പിന്നാലെയാണ് സംസ്ഥാനങ്ങള്‍ക്കുള്ള നിര്‍ദേശം നല്‍കിയിരിക്കുന്നത്. രോഗവ്യാപനം സൂക്ഷ്മമായി നിരീക്ഷിക്കണമെന്നും ആശുപത്രി സൗകര്യങ്ങള്‍ വിലയിരുത്തണമെന്നതടക്കമുള്ള നിര്‍ദേശങ്ങളാണ് ആരോഗ്യ സെക്രട്ടറി നല്‍കിയിരിക്കുന്നത്.
ഇന്‍ഫ്‌ലുവന്‍സ വൈറസിന്റെ ഒരു വകഭേദമാണ് എച്ച്3എന്‍2. സാധാരണ പനിയിലും ചുമയിലും തുടങ്ങി, ന്യൂമോണിയയിലേക്കും ശ്വാസതടസ്സത്തിലേക്കും ഗുരുതരമായാല്‍ മരണത്തിലേക്കുംവരെ എത്തുന്നതാണ് എച്ച്3എന്‍2.