താനെ: എന്‍.സി.സി കേഡറ്റുകളെ കനത്ത മഴയില്‍ തല ഉപയോഗിച്ച് പുഷ് അപ്പ് ചെയ്യുന്ന പണിഷ്മെന്റ് വീഡിയോ പുറത്ത്. എട്ടോളം വിദ്യാര്‍ത്ഥികളെ സീനിയര്‍ കേഡറ്റ് വടി ഉപയോഗിച്ച് ക്രൂരമായി മര്‍ദ്ദിക്കുന്നതും വീഡിയോയില്‍ കാണാം. താനെയിലെ ബന്ദോദ്കര്‍ കോളജിലെ എന്‍.സി.സി പരിശീലനത്തിലാണ് സംഭവം.
വടി ഉപയോഗിച്ച് വിദ്യാര്‍ത്ഥികളുടെ പിന്‍വശത്താണ് മര്‍ദ്ദിക്കുന്നത്. അടികൊണ്ട് വേദനിക്കുന്ന എന്‍.സി.സി കേഡറ്റുകളെയും വീഡിയോയില്‍ കാണാം. കോളജിന്റെ ജനാലക്ക് സമീപത്ത് നിന്ന് ഒരുവിദ്യാര്‍ത്ഥിയാണ് മൊബൈല്‍ ഫോണില്‍ വീഡിയോ പകര്‍ത്തിയത്. സംഭവത്തില്‍ നടപടിയെടുക്കുമെന്ന് പ്രിന്‍സിപ്പല്‍ പറഞ്ഞു.