കൊച്ചി: ബേപ്പൂര്‍ ഇന്റര്‍നാഷണല്‍ വാട്ടര്‍ ഫെസ്റ്റിന്റെ ഭാഗമായി ഇന്ത്യന്‍ നേവല്‍ ബാന്‍ഡ് ഇന്ന് (ഡിസംബര്‍ 24) വൈകുന്നേരം 5 മണിക്ക് മുതല്‍ ബേപ്പൂരില്‍ സംഗീതം ബാന്‍ഡ് അവതരിപ്പിക്കും. ആയോധന ട്യൂണുകള്‍, മലയാളം, ഹിന്ദി, തമിഴ് സിനിമകളില്‍ നിന്നുള്ള ജനപ്രിയ സംഗീതം എന്നിവ ഉള്‍പ്പെടുന്ന സംഗീത വിരുന്നാണ് അവതരിപ്പിക്കുന്നത്.
ബേപ്പൂര്‍ ഇന്റര്‍നാഷണല്‍ വാട്ടര്‍ ഫെസ്റ്റിന്റെ ഭാഗമായി ശാരദ, കല്‍പേനി എന്നീ കപ്പലുകളും ബേപ്പൂര്‍ തുറമുഖം സന്ദര്‍ശിക്കും. വാട്ടര്‍ജെറ്റ് ഫാസ്റ്റ് അറ്റാക്ക് ക്രാഫ്റ്റായ ഐഎന്‍എസ് കല്‍പേനി നാളെ (ഡിസംബര്‍ 26) മുതല്‍ സന്ദര്‍ശകര്‍ക്കായി തുറന്നുകൊടുക്കും. ഒപിവിയായ ഐഎന്‍എസ് ശാരദ നാളെ ബേപ്പൂര്‍ ബീച്ചില്‍ പ്രകാശനം ചെയ്യും. നേവല്‍ അഡ്വാന്‍സ്ഡ് ലൈറ്റ് ഹെലികോപ്റ്റര്‍ നാളെ ( 26ന് ) വൈകിട്ട് ബേപ്പൂര്‍ ബീച്ചില്‍ സെര്‍ച്ച് ആന്‍ഡ് റെസ്‌ക്യൂ ഡെമോ നടത്തും.
കൂടാതെ, ടോര്‍പ്പിഡോകള്‍, സോണോബോയ്കള്‍, ഡൈവിംഗ് ഉപകരണങ്ങള്‍ എന്നിവയുടെ പ്രദര്‍ശനങ്ങളുള്ള ഒരു നേവല്‍ എക്‌സിബിഷന്‍ സ്റ്റാളും സജ്ജീകരിക്കും. നാവികസേനയില്‍ ചേരുന്നതിനുള്ള റിക്രൂട്ട്‌മെന്റ് സ്‌കീമുകള്‍ക്കായുള്ള വിവരങ്ങളും അഗ്‌നിവീര്‍ പദ്ധതിയുടെ വിശദാംശങ്ങളും ഇവിടെ ഒരുക്കിയിരിക്കുന്നസ്റ്റാളില്‍ നിന്ന് പ്രാദേശിക ജനങ്ങള്‍ക്ക് നല്‍കുമെന്നും നാവിക സേന പത്രക്കുറിപ്പില്‍ പറയുന്നപറയുന്നു.