കോഴിക്കോട്: മുസ്‌ലിം ലീഗ് ദേശീയ ആസ്ഥാനമായ ഖാഇദെമില്ലത്ത് സെന്റര്‍ സമര്‍പ്പണ പ്ലാറ്റിനം ജൂബിലി സമാപനത്തോടനുബന്ധിച്ച് വനിതാലീഗ് ദേശീയ കമ്മിറ്റി സംഘടിപ്പിക്കുന്ന പ്രബന്ധ മത്സരത്തിലേക്ക് 25 വരെ എന്‍ട്രികള്‍ അയക്കാം. മുസ്‌ലിം ലീഗിന്റെ എഴുപത്തിയഞ്ചാണ്ടുകള്‍; സ്ത്രീ ശാക്തീകരണത്തിന്റെയും എന്ന വിഷയത്തിലൂന്നി ആയിരം (1000) വാക്കുകളില്‍ കവിയാതെ നല്ല ഭാഷാനൈപുണ്യത്തോകുടി വിഷയത്തിലൂന്നി എഴുതുന്ന പ്രബന്ധം പഞ്ചായത്ത് മുസ്‌ലിം ലീഗ് കമ്മിറ്റിയുടെ പ്രസിഡണ്ട്/ ജനറല്‍ സെക്രട്ടറി, ജില്ലാ വനിതാ ലീഗ് പ്രസിഡണ്ട്/ ജനറല്‍ സെക്രട്ടറി സാക്ഷിപ്പെടുത്തിയാണ് അയക്കേണ്ടത്.
തിരഞ്ഞെടുക്കപ്പെടുന്ന ആദ്യത്തേ മൂന്നു രചനകള്‍ക്കു സമ്മാനങ്ങള്‍ നല്‍കും. ഇംഗ്ലീഷ്, ഉര്‍ദു, ഹിന്ദി, മലയാളം, തമിഴ് ഭാഷകളില്‍ പ്രബന്ധം തയ്യാറാക്കാം. ദേശീയ ജനറല്‍ സെക്രട്ടറി, വനിതാലീഗ്, ലീഗ് ഹൗസ്, കോഴിക്കോട് -32 എന്ന വിലാസത്തിലേക്ക് പോസ്റ്റല്‍ വഴി അയക്കുന്നതോടൊപ്പം noorbeenarasheed @gmail.com എന്ന മെയില്‍ ഐഡിയിലേക്ക് ഒരു കോപ്പിയും അയക്കണം.