നാസറിനെ ഇന്ന് കോടതിയില്‍ ഹാജരാക്കും

താനൂരില്‍ അപകടത്തിനിടയാക്കിയ ബോട്ടിന്റെ ഉടമ താനൂര്‍ സ്വദേശി നാസറിനെ ഇന്ന് കോടതിയില്‍ ഹാജരാക്കും. ഇന്നലെ കോഴിക്കോട് നിന്നാണ് നാസര്‍ പിടിയിലായത്. മന്ത്രിയുടെ ഉള്‍പെടെ സഹായത്തോടെയാണ് നാസര്‍ തകരാറിലുള്ള ബോട്ട് പ്രവര്‍ത്തിച്ചതെന്ന പരാതിയുണ്ട്. താഴ്ഭാഗം വീതികുറഞ്ഞതിനനുസരിച്ചല്ല ബോട്ടിന്റെ ഉയരമെന്നാണ് പ്രധാന പരാതി. ഇതിന് ലൈസന്‍സ് നല്‍കിയ ഉദ്യോഗസ്ഥര്‍ക്കെതിരെയും നടപടിയുണ്ടാകും. സ്രാങ്ക് ദിനേശനും ടിക്കറ്റ് കൊടുക്കുന്ന രാജനും ഒളിവിലാണ്. നാസറിനെ വിശദമായി ചോദ്യം ചെയ്യാനായി പൊലീസ് ഏറ്റുവാങ്ങും. ബോട്ടിന്റെ പരിശോധനയും ഇന്ന് നടക്കും.