പുതുപ്പള്ളിയില്‍ ഉപതിരഞ്ഞെടുപ്പ് നടക്കവേ ഇത്തവണത്തെ വോട്ടര്‍പട്ടികയിലും അന്തരിച്ച ഉമ്മന്‍ചാണ്ടിയുടെ പേര്. ജോര്‍ജിയന്‍ പബ്ലിക് സ്‌കൂളിലെ 126ാം നമ്പര്‍ ബൂത്തിലെ വോട്ടര്‍ പട്ടികയിലാണ് ഉമ്മന്‍ചാണ്ടിയുടെ പേര് ഇപ്പോഴുമുള്ളത്.
വോട്ടര്‍ മരിച്ചാല്‍ നടപടിക്രമം പാലിച്ച് വോട്ടര്‍പട്ടികയില്‍ നിന്ന് പേര് നീക്കം ചെയ്യാന്‍ സ്വാഭാവിക കാലതാമസം ഉണ്ടാകാറുണ്ട്. മരണവിവരം പഞ്ചായത്തില്‍ റിപ്പോര്‍ട്ട് ചെയ്ത ശേഷം ഈ വിവരം അതാത് മേഖലയിലെ ബൂത്ത് തല ഓഫീസര്‍ ബന്ധപ്പെട്ട അധികാരികള്‍ക്ക് കൈമാറും. തുടര്‍ന്നാണ് വോട്ടര്‍പട്ടികയില്‍ നിന്ന് പേര് ഒഴിവാക്കുക.
ജൂലൈ 18നാണ് ഉമ്മന്‍ചാണ്ടി അന്തരിച്ചത്.