എടവണ്ണയിൽ യുവാവിനെ വെടിയേറ്റ് മരിച്ച നിലയിൽ കണ്ടെത്തി. എടവണ്ണ ചെമ്പക്കുത്ത് സ്വദേശി അറയിലകത്ത് റിദാൻ ബസിത്ത് (25) ന്നെയാണ് മരിച്ച നിലയിൽ കണ്ടത്.റിദാന് വെടിയേറ്റതിന് പിന്നില്‍ സ്വര്‍ണക്കടത്ത് സംഘംഎന്നാണ് സൂചന. നെഞ്ചില്‍ 3 മുറിവുകള്‍ ഉണ്ട്.
ഇന്ന് രാവിലെ എടവണ്ണ ജാമിഅ കോളേജിന് സമീപമുള്ള കുന്നിൻ മുകളിലാണ് മൃതദേഹം കണ്ടെത്തിയത്.യുവാവിൻ്റെ തലക്ക് പിന്നിലും നെഞ്ചിലും വെടിയേറ്റ രീതിയിൽ ആഴത്തിലുള്ള മുറിവുകളുണ്ട്. ഫോറൻസിക് വിദഗ്ധരും വിരലടയാള വിദഗ്ധരും സ്ഥലത്ത് പരിശോധന നടത്തി. കരിപ്പൂർ എം.ഡി.എം.എ പിടികൂടിയ കേസിൽ പ്രതിയായി ജയിലിൽ ആയിരുന്നു റിദാൻ ബാസിത്ത്.
മൂന്നാഴ്ച മുമ്പാണ് പുറത്തിറങ്ങിയത്. ഇന്നലെ രാത്രി വീട്ടിൽ നിന്നും സുഹൃത്തുമായി കുന്നിൻ മുകളിലേക്ക് പോയ റിദാൻ ബാസിത്തിനെ രാവിലെ തിരിച്ചു വരാത്തതിനെ തുടർന്ന് ബന്ധുക്കൾ നടത്തിയ തിരച്ചിലാണ് മരിച്ച നിലയിൽ കണ്ടെത്തിയത്. നിലമ്പൂർ ഡി.വൈ.എസ്.പി.യുടെയും എടവണ്ണ, വണ്ടൂർ നിലമ്പൂർ പോലീസ് ഇൻസ്പെക്ടർമാരുടെയും സാന്നിധ്യത്തിൽ ഇൻക്വസ്റ്റ് നടത്തിയ ശേഷം പോസ്റ്റ്മാർട്ടത്തിനായി മൃതദേഹം മഞ്ചേരി മെഡിക്കൽ കോളേജിൽ കൊണ്ടുപോയി.സംഭവത്തിൽ കേസെടുത്ത് അനേക്ഷണം ആരംഭിച്ച പോലീസ് സുഹൃത്തിനെ ഉൾപ്പെടെ ചോദ്യം ചെയ്തു വരികയാണ്.