അപകടം പതിവായ മുതലപ്പൊഴി അഴിമുഖത്തെ കല്ലുകൾ മാറ്റുന്ന പ്രവർത്തനങ്ങൾക്ക് തുടക്കമായി.തമിഴ് നാട്ടിലെ നാഗർകോവിൽ നിന്ന് എത്തിച്ച ക്രെയിൻ ഉപയോഗിച്ചാണ് കല്ലുകൾ നീക്കുന്നത്. ആദ്യഘട്ടത്തിൽ മുതലപ്പൊഴി ഹാർബറിലെ തെക്ക് ഭാഗത്ത് നിന്നുള്ള കല്ലുകൾ അഴിമുഖത്ത് നിന്ന് നീക്കം ചെയ്യും. മുതലപ്പൊഴിയിൽ ബോട്ടുകൾ കല്ലുകളിൽ ഇടിച്ചു അപകടം പതിവായതോടെയാണ് ഇത്തരമൊരു നീക്കം. മുതലപ്പൊഴിയിൽ ബോട്ടുകൾ ഇറക്കുന്നത് ഒഴിവാക്കണമെന്ന ആവശ്യം മൽസ്യത്തൊഴിലാളികൾ തള്ളിയതോടെയാണ് പകരം നടപടികൾ ആരംഭിച്ചത്.