2022 ഫുട്‌ബോള്‍ ലോകകപ്പില്‍ അര്‍ജന്റീന ജേതാക്കളായതിന് പിന്നാലെ തന്റെ വിരമിക്കലിനെ കുറിച്ച് വ്യക്തമാക്കി സൂപ്പര്‍താരം ലയണല്‍ മെസ്സി. അര്‍ജന്റീനയുടെ ജേഴ്സിയില്‍ തുടരുമെന്നും അന്താരാഷ്ട്ര മത്സരങ്ങളില്‍ നിന്നും വിരമിക്കാന്‍ ഒരുങ്ങുന്നില്ലെന്നും ഫ്രാന്‍സിനെതിരെയായ ഫൈനല്‍ മത്സരത്തിന് ശേഷം അദ്ദേഹം പറഞ്ഞു.
വര്‍ഷങ്ങളായി മുന്നില്‍ കണ്ട സ്വപ്നം, വിശ്വസിക്കാനാവുന്നില്ല, ദൈവം എനിക്ക് ഈ വിജയം സമ്മാനിക്കുമെന്ന് ആത്മവിശ്വാസം ഉണ്ടായിരുന്നുവെന്നും അദ്ദേഹം കൂട്ടിച്ചേര്‍ത്തു.
പെനാല്‍റ്റി ഷൂട്ടൗട്ടില്‍ 4-2ന് ഫ്രാന്‍സിനെ തകര്‍ത്താണ് അര്‍ജന്റീന കിരീടത്തില്‍ മുത്തമിട്ടത്. വാശിയേറിയ മത്സരമായിരുന്നു ഇരു ടീമുകളും കാഴ്ചവച്ചത്.