റമദാനിലെ തറാവീഹ് നിസ്‌കാരം തടസപ്പെടുത്തി വിശ്വസികള്‍ക്ക് നേരെ ആക്രമണമഴിച്ചുവിട്ട് ഹിന്ദുത്വവാദികള്‍. ഉത്തരാഖണ്ഡിലെ ഹര്‍ദ്വാനി ജില്ലയിലെ സര്‍ണ കോതിയില്‍ തിങ്കളാഴ്ച രാത്രിയാണ് സംഭവമെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്തു. നമസ്‌കാരത്തിന് നേതൃത്വം നല്‍കുന്ന ഇമാമിന് നേരെയും ആക്രമണം ഉണ്ടായി. സംഘ്പരിവാര്‍ സംഘടനയായ ബജ്രഗ്ദള്‍ പ്രവര്‍ത്തകരാണ് ആക്രമണം നടത്തിയത്.
അഭിഭാഷകനായ സഫര്‍ സിദ്ദീഖിന്റെ വീട്ടിലാണ് തറാവീഹ് നിസ്‌കാരം നടന്നിരുന്നത്. തിങ്കളാഴ്ച രാത്രി നിസ്‌കാരം നടന്നുകൊണ്ടിരിക്കെ ഒരു കൂട്ടം ബജ്രംഗദള്‍ പ്രവര്‍ത്തകരെത്തി ആക്രമിക്കുകയായിരുന്നെന്ന് അദ്ദേഹം പറഞ്ഞു.