ക്രമസമാധാന തകര്‍ച്ചയും ആഭ്യന്തര വകുപ്പിന്റെ നിഷ്‌ക്രിയത്വവും തുറന്നു കാട്ടി തകരുന്ന ക്രമസമാധാനം, നിഷ്‌ക്രിയ ആഭ്യന്തരം എന്ന മുദ്രാവാക്യവുമായി മുസ്‌ലിം യൂത്ത് ലീഗ് ജനുവരി ഒന്നിന് സംസ്ഥാന സര്‍ക്കാരിനെ ജനകീയ വിചാരണ ചെയ്യും. ജില്ല കമ്മിറ്റികളുടെ നേതൃത്വത്തില്‍ ജില്ലആസ്ഥാനങ്ങളിലാണ് വിചാരണ നടത്തുക. മുസ്‌ലിം യൂത്ത് ലീഗ് സംസ്ഥാന ജനറല്‍ സെക്രട്ടറി പി. കെ ഫിറോസ് ആലപ്പുഴയില്‍ ജനകീയ വിചാരണ ഉദ്ഘാടനം ചെയ്യും. സംസ്ഥാന ട്രഷറര്‍ പി. ഇസ്മായില്‍ മലപ്പുറത്തും ഭാരവാഹികളായ മുജീബ് കാടേരി കോഴിക്കോടും, ഫൈസല്‍ ബാഫഖി തങ്ങള്‍ പാലക്കാടും, അഷറഫ് എടനീര്‍ കണ്ണൂരും, കെ. എ മാഹിന്‍ ഇടുക്കിയിലും, സി.കെ മുഹമ്മദലി കാസര്‍കോടും, അഡ്വ. നസീര്‍ കാര്യറ പത്തനംതിട്ടയിലും, ഗഫൂര്‍ കോല്‍ക്കളത്തില്‍ തൃശ്ശൂരും, ടി.പി.എം ജിഷാന്‍ വയനാട്ടിലും ഉദ്ഘാടനം ചെയ്യും. എറണാകുളത്ത് ദേശീയ ജനറല്‍ സെക്രട്ടറി അഡ്വ. ഫൈസല്‍ ബാബുവും, തിരുവനന്തപുരത്ത് എം. എസ്. എഫ് ദേശീയ പ്രസിഡന്റ് ടി.പി അഷ്‌റഫലിയും, കൊല്ലത്ത് സംസ്ഥാന പ്രസിഡന്റ് പി.കെ നവാസും, കോട്ടയത്ത് സംസ്ഥാന ജനറല്‍ സെക്രട്ടറി ലത്തീഫ് തുറയൂരും ഉദ്ഘാടനം ചെയ്യും. ജനകീയ വിചാരണ വിജയിപ്പിക്കാന്‍ മുസ്‌ലിം യൂത്ത് ലീഗ് സംസ്ഥാന പ്രസിഡന്റ് സയ്യിദ് മുനവ്വറലി ശിഹാബ് തങ്ങളും ജനറല്‍ സെക്രട്ടറി പി.കെ ഫിറോസും ആഹ്വാനം ചെയ്തു.
- 3 years ago
Test User