കര്‍ണാടകയില്‍ മുസ്‌ലിം യുവാവിന് നേരെ ആക്രമണം. ഇയാളുടെ സുഹൃത്തായ ഹിന്ദു യുവതിയോട് സംസാരിച്ചതിനാണ് മര്‍ദിച്ചത്. സഹീര്‍ (22) യുവാവിനെയാണ് ഒരു സംഘം മര്‍ദിച്ചത്. ബസില്‍ യാത്ര ചെയ്യുന്നതിനിടെ ഉജിരെക്ക് സമീപമായിരുന്നു ആക്രമണം.
ബസ് യാത്രക്കിടെ സുഹൃത്തായ ഹിന്ദു യുവതിയോട് സഹീര്‍ സംസാരിച്ചു. ശേഷം ബെല്‍ത്തങ്ങാടി ഭാഗത്ത് യുവതി ഇറങ്ങുകയും ചെയ്തു. പിന്നീട് ബസില്‍ യാത്ര തുടര്‍ന്ന സഹീറിനെ ഉജിരെയില്‍ വച്ച് ഒരു സംഘം ബസ് തടഞ്ഞു നിര്‍ത്തി, പുറത്തേക്ക് വലിച്ചിറക്കി മര്‍ദിക്കുകയായിരുന്നു. നാല് പ്രതികള്‍ക്കെതിരെയും പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.