കോഴിക്കോട്: മുസ്ലിംലീഗ് സംസ്ഥാന എക്സിക്യുട്ടീവ് ക്യാമ്പ് നാളെ തുടങ്ങും. (ജൂലൈ 05 ബുധൻ). ഷൊർണൂർ റെയിൽവേ സ്റ്റേഷനിൽനിന്ന് അഞ്ച് കിലോമീറ്റർ അകലെയുള്ള ചെറുതുരുത്തി ഇക്കോ ഗാർഡൻ റിസോർട്ടിലാണ് ക്യാമ്പ്. രാവിലെ 9:30ന് ആരംഭിക്കുന്ന ക്യാമ്പ് പാണക്കാട് സയ്യിദ് സാദിഖലി ശിഹാബ് തങ്ങൾ ഉദ്ഘാടനം ചെയ്യും.
പാർട്ടിയുടെയും പോഷക സംഘടനകളുടെയും തെരഞ്ഞെടുക്കപ്പെട്ട പ്രതിനിധികൾ രണ്ട് ദിവസത്തെ ക്യാമ്പിൽ പങ്കെടുക്കും. ലോക്സഭാ തെരഞ്ഞെടുപ്പിന്റെ മുന്നൊരുക്കങ്ങൾക്കായി പ്രത്യേക പദ്ധതികൾ തയ്യാറാക്കും. സംഘടനാ കാര്യങ്ങളും കാലിക രാഷ്ട്രീയ വിഷയങ്ങളും ചർച്ച ചെയ്യും. കേന്ദ്ര, സംസ്ഥാന സർക്കാറുകളുടെ ജനവിരുദ്ധ നടപടികൾക്കെതിരായ സമര പരിപാടികൾക്ക് ക്യാമ്പിൽ രൂപം നൽകും.