കോഴിക്കോട്: മുസ്ലിംലീഗ് സംസ്ഥാന കമ്മിറ്റി ഭാരവാഹികളുടെ യോഗം നാളെ (ശനി) രാവിലെ 9 മണിക്ക് കോഴിക്കോട് ലീഗ് ഹൗസില്‍ ചേരും. ജില്ലാ പ്രസിഡന്റ്, ജനറല്‍ സെക്രട്ടറിമാരുടെയും മണ്ഡലം പ്രസിഡന്റ്, ജനറല്‍ സെക്രട്ടറിമാരുടെയും സംയുക്ത യോഗം നാളെ രാവിലെ 11 മണിക്ക് കോഴിക്കോട് ലീഗ് ഹൗസില്‍ ചേരും. മുസ്ലിംലീഗ് ദേശീയ ആസ്ഥാന മന്ദിരം ഖാഇദെ മില്ലത്ത് സെന്ററിന് വേണ്ടി കേരള സംസ്ഥാന കമ്മിറ്റി സംഘടിപ്പിച്ച ധന സമാഹരണ ക്യാമ്പയിനില്‍ മികവുറ്റ പ്രവര്‍ത്തനം കാഴ്ച വെച്ച ശാഖ, പഞ്ചായത്ത്, മുനിസിപ്പാലിറ്റി, മണ്ഡലം, ജില്ലാ ഘടകങ്ങള്‍ക്കുള്ള സ്നേഹാദരം പരിപാടി നാളെ ഉച്ചക്ക് ശേഷം 3 മണിക്ക് ലീഗ് ഹൗസിലെ സി.എച്ച് ഓഡിറ്റോറിയത്തില്‍ നടക്കും. സയ്യിദ് സാദിഖലി ശിഹാബ് തങ്ങള്‍ അവാര്‍ഡ് വിതരണം നിര്‍വ്വഹിക്കും. ദേശീയ, സംസ്ഥാന നേതാക്കള്‍ സംബന്ധിക്കും. ബന്ധപ്പെട്ടവര്‍ ഈ യോഗങ്ങളില്‍ കൃത്യ സമയത്തു തന്നെ സംബന്ധിക്കണമെന്ന് സംസ്ഥാന ജനറല്‍ സെക്രട്ടറി പി.എം.എ സലാം അറിയിച്ചു.