മാധ്യമ പ്രവര്‍ത്തകന്‍ കെ. എം ബഷീറിനെ വാഹനമിടിപ്പിച്ച് കൊലപ്പെടുത്തിയ കേസിലെ പ്രതി ശ്രീറാം വെങ്കിട്ടരാമനെ ആലപ്പുഴ ജില്ലാ കലക്റ്ററായി നിയമിച്ച സര്‍ക്കാര്‍ നടപടിക്കെതിരെ കലക്ടറേറ്റിന് മുന്നില്‍ മുസ്ലിംലീഗ് പ്രതിഷേധ സംഗമം സംഘടിപ്പിച്ചു. കെ.എം ബഷീറിന് നീതി വേണമെന്ന ആവശ്യമുയര്‍ത്തിയാണ് പ്രതിഷേധ പരിപാടി സംഘടിപ്പിച്ചത്.
മുസ്ലിംലീഗ് മുസ്്‌ലിംലീഗ് ജില്ലാ പ്രസിഡന്റ് എ. എം നസീര്‍ ഉദ്ഘാടനം ചെയ്ത പരിപാടിയില്‍ യൂത്ത്‌ലീഗ് ദേശീയ എക്‌സിക്യൂട്ടീവ് അംഗം ഷിബു മീരാന്‍ മുഖ്യപ്രഭാഷണം നടത്തി. ജില്ലാ കലക്ടര്‍ ശ്രീറാം വെങ്കിട്ടരാമന്‍ ചെയര്‍മാനായ നെഹ്‌റുട്രോഫി ബോട്ട് റേസ് കമ്മിറ്റി യോഗത്തില്‍ നിന്നും മുസ്ലിംലീഗിന്റെയും കോണ്‍ഗ്രസിന്റെയും പ്രതിനിധികള്‍ വിട്ടുനില്‍ക്കുമെന്ന് നേരത്തെ പ്രഖ്യാപിച്ചിരുന്നു.