മുംബൈ : മുസ്ലിം ലീഗ് ദേശീയ അംഗത്വ കാമ്പയിനോടനുബന്ധിച്ചുള്ള മഹാരാഷ്ട്ര സംസ്ഥാന മുസ്ലിം ലീഗ് നേതൃശില്‍പശാല ഇന്ന് രണ്ട് മണിക്ക് മുംബൈ അനാം ഇന്റര്‍ നാഷണല്‍ ഹോട്ടലില്‍ നടക്കും. മുസ്ലിം ലീഗ് ദേശീയ കമ്മിറ്റിയുടെ ഒബ്‌സര്‍വര്‍മാരായ ആസിഫ് അന്‍സാരി, ഷിബു മീരാന്‍, സി.കെ ശാക്കിര്‍, മുഹമ്മദ് അസ്‌ലം പങ്കെടുക്കും.
ആഗസ്ത് ഒന്നു മുതല്‍ 30 വരെയാണ് രാജ്യ വ്യാപകമായി മുസ്ലിം ലീഗ് അംഗത്വ കാമ്പയിന്‍ നടക്കുന്നത്. ഇതിന്റെ മുന്നൊരുക്കങ്ങളുടെ ഭാഗമായി വിവിധ സംസ്ഥാനങ്ങളിലെ സംസ്ഥാന, ജില്ല നേതാക്കള്‍ക്ക് സംഘടന, സാങ്കേതിക പരിശീലനം നല്‍കുന്നുണ്ട്. സൗത്ത് സോണ്‍ നേതൃപരിശീലനം ബെംഗളുരുവില്‍ നടന്നിരുന്നു. ഉത്തരേന്ത്യന്‍ നേതൃശില്‍പശാല ആഗസ്ത് ആദ്യവാരത്തില്‍ ഡല്‍ഹിയില്‍ നടക്കും.