അജ്മാന്‍ കെഎംസിസി തൃക്കരിപ്പൂര്‍ മണ്ഡലം കമ്മിറ്റി യുടെ നേതൃത്വത്തില്‍ ഹൃസ്വ സന്ദര്‍ശനാര്‍ത്ഥം യുഎയില്‍ എത്തിയ സംസ്ഥാന മുസ്ലിം ലീഗ് സെക്രട്ടറിയേറ്റ് അംഗം വി.കെ.പി.ഹമീദ് അലി സാഹിബ്, കാസര്‍ഗോഡ് ജില്ല മുസ്ലിം ലീഗ് സെക്രട്ടറി എ. ജി. സി. ബഷീര്‍ സാഹിബ് എന്നിവര്‍ക്ക് മണ്ഡലം കമ്മിറ്റി സ്വീകരണം നല്‍കി.
അജ്മാന്‍ ‘സഅദ സെന്റര്‍’ ല്‍ ആഷിഖ് പടന്ന യുടെ ഖിറാഅത്തോടെ നടന്ന പരിപാടി ഷാര്‍ജ സ്‌റ്റേറ്റ് വൈസ് പ്രസിഡന്റ് ജമാല്‍ ബൈത്താന്‍ സാഹിബ് ഉദ്ഘാടനം ചെയ്തു. അജ്മാന്‍ കെഎംസിസി കാസര്‍ഗോഡ് ജില്ലാ മുന്‍ സെക്രട്ടറി റംഷാദ് അത്തൂട്ടി ആദ്യക്ഷത വഹിച്ച ചടങ്ങില്‍ വി. കെ. പി. ഹമീദ് അലി സാഹിബ്, എ. ജി. സി. ബഷീര്‍ സാഹിബ് എന്നിവര്‍ സംസാരിച്ചു. നേതാക്കള്‍ക്ക് മണ്ഡലം വര്‍ക്കിങ് പ്രസിഡന്റ് കെ. എം. അബ്ദുല്‍ റഹ്മാന്‍, മണ്ഡലം വൈസ് പ്രസിഡന്റ് ഫര്‍സിന്‍ ഹമീദ് എന്നിവര്‍ മൊമെന്റോ സമ്മാനിച്ചു.
ജില്ലാ മുന്‍ സെക്രട്ടറി നൗഫല്‍ കാടങ്കോട്, മണ്ഡലം ട്രഷറര്‍ അബ്ദുള്ള ബീരിച്ചേരി, പടന്ന പഞ്ചായത്ത് നേതാക്കന്മാരായ സാഹിര്‍ അലി, എം. വി. അബൂബക്കര്‍ എന്നിവര്‍ ഷാള്‍ അണിയിച്ചു.
മണ്ഡലം സെക്രട്ടറി ഇക്ബാല്‍ അബ്ദുള്ള സ്വാഗതവും, മണ്ഡലം ട്രഷറര്‍ അബ്ദുള്ള ബീരിച്ചേരി നന്ദിയും പറഞ്ഞു.