ന്യൂയോര്‍ക്ക്: എക്‌സ് എഐ എന്ന പേരില്‍ പുതിയ ആര്‍ട്ടിഫിഷ്യല്‍ ഇന്റലിജന്‍സ് സ്ഥാപനത്തിന് തുടക്കമിട്ട് ട്വിറ്റര്‍ മേധാവി ഇലോണ്‍ മസ്‌ക്. സുരക്ഷിതമായ എഐ നിര്‍മിക്കുകയെന്ന ലക്ഷ്യത്തോടെ കെട്ടിപ്പടുക്കുന്ന ഈ കമ്പനിയുടെ തലപ്പത്തും മസ്‌ക് തന്നെയായിരിക്കും. ചാറ്റ് ജിപിടിയുടെ നിര്‍മാതാക്കളായ ഓപ്പണ്‍ എഐയ്ക്ക് തുടക്കമിട്ടതും മസ്‌കായിരുന്നു. പിന്നീട് അതില്‍നിന്ന് അദ്ദേഹം പിന്മാറുകയും മറ്റ് വ്യവസായ ശൃംഖലകളിലേക്ക് പ്രവേശിക്കുകയും ചെയ്തു.