മുംബൈ – ബെംഗളൂരു ഉദ്യാന്‍ എക്‌സ്പ്രസിലെ ബോഗികള്‍ക്ക് തീപിടിച്ചു. ഇന്ന് രാവിലെ 7 മണിയോടെ ക്രാന്തിവീര സങ്കൊളി രായണ്ണ സ്റ്റേഷനില്‍ വെച്ചായിരുന്നു സംഭവം. ആളുകള്‍ ഇറങ്ങി രണ്ട് മണിക്കൂറുകള്‍ക്ക് ശേഷം ബോഗികളില്‍ നിന്ന് പുക ഉയരുന്നത് ശ്രദ്ധയില്‍ പെടുകയായിരുന്നു. ഉടന്‍ തന്നെ രക്ഷാപ്രവര്‍ത്തകര്‍ സ്ഥലത്തെത്തി തീ അണച്ചു. ആളപയാങ്ങളൊന്നുമില്ലെന്ന് റെയില്‍വേ അറിയിച്ചതായി എഎന്‍ഐ റിപ്പോര്‍ട്ട് ചെയ്തു.
സ്റ്റേഷന്‍ പുകപടലങ്ങള്‍ കൊണ്ട് മൂടിയനിലയിലുള്ള വീഡിയോ ദൃശ്യങ്ങളും തീപടര്‍ന്ന കോച്ചുകളില്‍ രക്ഷാപ്രവര്‍ത്തകര്‍ തീ നിയന്ത്രിക്കാന്‍ ശ്രമിക്കുന്നതിന്റെ ദൃശ്യങ്ങളും സമൂഹ മാധ്യമങ്ങളില്‍ പ്രചരിക്കുന്നുണ്ട്.