മുംബൈ: ഇന്ത്യന്‍ സൂപ്പര്‍ ലീഗ് ഫുട്‌ബോള്‍ ഒന്നാം സെമി ഫൈനല്‍ ആദ്യപാദമിന്ന്. ശക്തരായ മുംബൈ സിറ്റി എഫ്.സിക്കെതിരെ വിവാദത്തില്‍ ജയിച്ചുകയറിയ ബെംഗളൂരു എഫ്.സിയാണ് കളിക്കുന്നത്. മുംബൈ ഫുട്‌ബോള്‍ അറീനയില്‍ വൈകീട്ട് 7-30 നാണ് കളി. സീസണില്‍ അതിശക്തരാണ് മുംബൈ. ഇതിനകം ലീഗ് ഷീല്‍ഡ് അവര്‍ സ്വന്തമാക്കിയിട്ടുണ്ട്.
ബെംഗളൂരുവാകട്ടെ നാണക്കേടിന്റെ നിഴലിലാണ്. അവരുടെ നായകന്‍ സുനില്‍ ഛേത്രി വിവാദ സാഹചര്യത്തില്‍ നേടിയ ഗോളാണ് പ്ലേ ഓഫ് പിന്നിടാന്‍ ടീമിനെ സഹായിച്ചത്. സീസണിന്റെ തുടക്കത്തില്‍ നിരാശപ്പെടുത്തുകയും എന്നാല്‍ രണ്ടാം ഘട്ടത്തില്‍ തുടര്‍ച്ചയായ വിജയങ്ങളുമായി മുന്നോട്ട് വരുകയും ചെയ്തവരാണ് ബെംഗളൂരു. കണ്ണീരവ സ്‌റ്റേഡിയത്തിലെ പ്ലേ ഓഫില്‍ അവര്‍ ബ്ലാസ്‌റ്റേഴ്‌സിന് മുന്നില്‍ വിയര്‍ത്ത ഘട്ടത്തിലായിരുന്നു അധിക സമയത്തില്‍ വിവാദ ഗോള്‍ .