മുതലപ്പൊഴിയില്‍ ഇന്നലെ മത്സ്യബന്ധന വള്ളം മറിഞ്ഞുണ്ടായ അപകടത്തില്‍പ്പെട്ട് കാണാതായ നാലാമത്തെ ആളുടെ മൃതദേഹവും കണ്ടെത്തി. കാണാതായ റോബിന്‍ എഡ്വിന്‍ എന്നയാളുടെ മൃതദേഹമാണ് കണ്ടെത്തിയത്.
പാറക്കല്ലുകള്‍ക്കിടയില്‍ കുടുങ്ങിയ നിലയിലായിരുന്നു മൃതദേഹങ്ങള്‍ ഉണ്ടായിരുന്നത്. രാവിലെ സുരേഷ് ഫെര്‍ണാണ്ടസിന്റെ മൃതദേഹമാണ് കണ്ടെത്തിയത്. ഇതേ തുടര്‍ന്നാണ് പാറക്കെട്ടുകള്‍ക്കിടയില്‍ തിരച്ചില്‍ നടത്തിയത്. കഴിഞ്ഞ ദിവസമാണ് മത്സ്യബന്ധന വള്ളം മറിഞ്ഞ് നാലുപേരെ കാണാതായത്. ഇതില്‍ കുഞ്ഞുമോനെ മരിച്ച നിലയില്‍ ഇന്നലെ കണ്ടെത്തി. തുടര്‍ന്ന് മറ്റ് മൂന്ന് പേര്‍ക്കായുള്ള തിരച്ചില്‍ തുടരുന്നതിനിടെയാണ് രണ്ട് മൃതദേഹം കൂടി കണ്ടെത്തിയത്.