മലപ്പുറം: എസ്എഫ്ഐ സംസ്ഥാന സെക്രട്ടറി പി എം ആർഷോയുടെ നേതൃത്വത്തിൽ എംഎസ്എഫ് പ്രവർത്തകർക്ക് നേരെ ആശുപത്രിയിൽ വെച്ച് ഗുണ്ടാക്രമണം. മലപ്പുറം ഗവ: കോളേജിലെ എംഎസ്എഫ് പ്രവർത്തകർക്ക് നേരെയാണ് എസ്എഫ്ഐയുടെ സംസ്ഥാന ജില്ലാ നേതാക്കന്മാരുടെ നേതൃത്വത്തിൽ ആക്രമണം അഴിച്ചുവിട്ടത്.
നേരത്തെ കോളേജിൽ വെച്ച് എസ്എഫ്ഐ – എം എസ് എഫ് പ്രവർത്തകർ തമ്മിൽ ഉണ്ടായ സംഘർഷത്തിൽ ചികിത്സ തേടിയെത്തിയ എംഎസ്എഫ് പ്രവർത്തകരെയാണ് മലപ്പുറം ഗവ: താലൂക്ക് ആശുപത്രിയിൽ വച്ച് എസ്എഫ്ഐ സംഘം ആക്രമിച്ചത്.