- പോളികള്‍ പൊളിച്ചടക്കി എം.എസ്.എഫ്
പോളികളില്‍ നടന്ന യൂണിയന്‍ തെരഞ്ഞെടുപ്പില്‍ എം.എസ്.എഫിന് ചരിത്ര വിജയം. എം. എസ്.എഫ് ഒറ്റക്കും മുന്നണിയായും മത്സരിച്ചയിടങ്ങളിലെല്ലാം വലിയ മുന്നേറ്റം സൃഷ്ടിക്കാന്‍ കഴിഞ്ഞു. തെരഞ്ഞെടുപ്പില്‍ ഗവണ്മെന്റ് പോളികള്‍ അടക്കം തിരിച്ചുപ്പിടിച്ചു. വനിതാ പോളികളിലും മികച്ച നേട്ടം എം.എസ്.എഫിന് ലഭിച്ചു.
കോട്ടക്കല്‍ ഗവ: വനിതാ പോളി യൂണിയന്‍ എം.എസ്.എഫ് ഒറ്റക്ക് തിരിച്ചുപ്പിടിച്ചപ്പോള്‍ ഇരുപത്തിനാല് വര്‍ഷത്തെ എസ്.എഫ്.ഐ ഭരണം അവസാനിപ്പിച്ച് മേപ്പാടി ഗവണ്മെന്റ് പോളി യൂണിയന്‍ എം. എസ് എഫ് മുന്നണി പിടിച്ചെടുത്തു. മഞ്ചേരി ഗവണ്മെന്റ് പോളി,എസ് എസ് എം പോളി തിരൂര്‍,എ കെ എന്‍ എം പോളി കോളജുകള്‍ എം.എസ്.എഫ് മുന്നണി പിടിച്ചെടുത്തു. സീതി സാഹിബ് മെമ്മോറിയല്‍ പോളി, പെരിന്തല്‍മണ്ണ ഗവണ്മെന്റ് പോളി,കോഴിക്കോട് വെസ്റ്റ് ഹില്‍ പോളി, എ.കെ.എന്‍.എം ഗവണ്മെന്റ് പോളി ചേളാരി എന്നിവ നിലനിര്‍ത്തി.
എം.എസ്.എഫ് ഉയര്‍ത്തിപ്പിടിച്ച വിദ്യാര്‍ത്ഥി പക്ഷ രാഷ്ട്രീയത്തെ വിദ്യാര്‍ത്ഥി സമൂഹം ഏറ്റെടുത്തുവെന്നതിന് തെളിവാണ് പോളികളില്‍ നടന്ന യൂണിയന്‍ തെരഞ്ഞെടുപ്പില്‍ എം.എസ്.എഫിന്റെ വിജയം എന്ന് എം.എസ്.എഫ് പ്രസിഡന്റ് പി.കെ നവാസ് ജനറല്‍ സെക്രട്ടറി സി.കെ നജാഫ് എന്നിവര്‍ പറഞ്ഞു