ചവറ: ഫോണില്‍ വിളിച്ച് വിദ്യാര്‍ഥിയോട് അപമര്യാദയായി പെരുമാറിയ സംഭവത്തില്‍ മുകേഷം എംഎല്‍എയുടെ കോലം കത്തിച്ച് പ്രതിഷേധിച്ച് എംഎസ്എഫ് പ്രവര്‍ത്തകര്‍.
പാലക്കാട് ജില്ലയിലെ ഒറ്റപ്പാലം സ്വദേശിയായ വിദ്യാര്‍ഥിയോടാണ് പരിഭവം പറയുന്നതിനിടയില്‍ വളരെ മോശമായ രീതിയില്‍ എംഎല്‍എ സംസാരിച്ചത്.
എംഎല്‍എ വിദ്യാര്‍ഥി സമൂഹത്തോടും പൊതുസമൂഹത്തോടും മാപ്പ് പറയാന്‍ തയ്യാറാകണമെന്നും എംഎസ്എഫ് ആവിശ്യപ്പെട്ടു.
പ്രതിഷേധ സംഗമം എംഎസ്എഫ് സംസ്ഥാന സെക്രട്ടറി ഫിറോസ് പള്ളത്ത് ഉദ്ഘാടനം ചെയ്തു. എംഎസ്എഫ് മണ്ഡലം പ്രസിഡന്റ് സിറാജ് വടക്കുംതല, ഭാരവാഹികളായ അസ്‌ലം സലാം, അമീര്‍ വിളയില്‍, ആഷിക് അസ്‌ലം, തൗഫീഖ് വേലിശേരി പങ്കെടുത്തു.